اسلام آباد 23 جون (اے پي پي) د سائنس او ټېكنالوجې وفاقي وزير چوهدي فواد حسېن وئيلي دي چې مولانا فضل الرحمان د خپلو بزرګانو او د ګوند د تاريخ نه واقفيت نه لري او ځكه ئې د پاكستان په اوسني مشرتابه د پاكستان د نظرياتي اساس سره د مطابقت نه لرلو بيان وركړے٬ د دوي آبا و اجداد او ګوند د پاكستان د قيام په ضد كمپائن چلولې او فتوې ئې وركړې دي۔ د اتوار په ورځ په ټويټر د مولانا فضل الرحمان په بيان غبرګون وركولو سره ده ووئيل چې د مولانا فضل الرحمان دا بيان حېرانوونكې دے چې د پاكستان اوسنې مشرتابه د پاكستان نظرياتي اساس سره مطابقت نه لري۔ په پاكستان دا وخت هم راتللو چې مولانا فضل الرحمان به د پاكستان نظرياتي اساس ښائي۔ ده ووئيل چې پاكستان د يو جديد اسلامي رياست په توګه په وجود كښې راغلې و۔ په افغانستان كښې شخړې د مولانا نظريه په پاكستان د تپلو ماحول وركړے او شدت خوښي حاوې كېدل۔ ده مولانا فضل الرحمان ته ووئيل چې خدائ دې پاكستان ستا د سياست نه محفوظ وساتي۔
