اسلام آباد – 02 – آگسٽ (اي پي پي) پرڏيهي آفيس چيو آهي ته 5 آگسٽ 2019ع جي ڀارت جي غيرقانوني ۽ غيرآئيني قدم کي ڪشمير استحصال ڏهاڙي طور ملهايو ويندو. پرڏيهي آفيس موجب اسان ان موقعي تي پنهنجي ڪشميري ڀائرن سان ڪلهو ڪلهي ۾ ملائي بيٺل هجڻ ۽ انهن جي منصفاڻي مقصد جي لاءِ اڻٿڪ حمايت جي عزم کي ورجايون ٿا. 5 آگست تي ان حوالي سان گلوڪار زوهيب زمان جو هڪ پراثر نغمو پرڏيهي معاملن واري وزارت جي تعاون سان ريليز ڪيو پيو وڃي.
