اسلام آباد – 09 – جون (اي پي پي) وزيراعظم شهباز شريف کي ملڪ ۾ بجلي جي گهرج ۽ کپت جي تازي ترين صورتحال تي بريفنگ ڏني وئي. وزيراعظم آفيس جي ميڊيا ونگ پاران جاري بيان موجب وزيراعظم کي توانائي واري وزارت جي عملدار ملڪ ۾ لوڊشيڊنگ جي تازه ترين صورتحال کان آگاهه ڪيو، وزيراعظم ملڪ ۾ بجلي جي گهرج ۽ کپت جا تازا انگ اکر معلوم ڪيا، ۽ مختلف فيڊرز تي بجلي جي پهچ جي صورتحال دريافت ڪئي، وزيراعظم چيو ته لوڊشيڊنگ جي خاتمي لاءِ گڏجي ڪم ڪرڻو آهي، عوام جي مشڪلاتن کي گهٽ ڪرڻ گهرجي.
