کورین کمپنیاں خصوصی اقتصادی زونزاچ اپنڑے یونٹس قائم کرسگدیاںہن
کورین کمپنیاں کوں توانائی ، معدنیات، زرعی صنعت اتے آئی ٹی دے شعبے اچ سرمایہ کاری دی دعوت
اسلام آباد ۔ 8 اگست (اے پی پی) وزیر اعظم شاہد خاقان عباسی آکھیا ہے جو پاکستان جمہوریہ کوریا دے نال ترائے سالاں ودھ عرصے تے محیط شاندار سفارتی تعلقات کوں بہوں اہمیت ڈیندا ہے ، ڈوہیں ملکاں وچال تجارت اتے سرمایہ کاری سمیت سارے شعبے اچ دوستانہ تعلقات مضبوط تھیندے پے ہن۔ انہاں اے گلاھ جنوبی کوریا دی قومی اسمبلی دے سپیکر چنگ سائیکیون دی قیادت اچ وفد نال گالھ مہاڑ کریندے ہوئیں آکھیا جو جیں منگل کوں وزیراعظم آفس اچ انہاں نال ملاقات کیتی ۔ سپیکر قومی اسمبلی سردار ایاز صادق وی ایں موقع تے موجود ہن ۔وزیراعظم ڈو طرفہ تجارت دے حجم اچ ودھارے سانگے چنگے اقدامات دی ضرورت تے زور ڈیندے ہوئیں کورین کمپنیاں کوں پاکستان دے آزادانہ سرمایہ کاری ماحول توں چنگاں فائدہ چاونڑ تے توانائی ،معدنیات تے زرعی صنعت تے آئی ٹی دے شعبے اچ سرمایہ کاری دی دعوت ڈتی ۔چنگ سائیکیون پرتپاک خیرمقدم تے وزیر اعظم دا شکریہ ادا کریندے ہوئیں امید ظاہر کیتی جو ڈو پاسے دے تعلقات مستحکم تھیسن ۔ جنوبی کوریا دے وفد اچ ارکان پارلیمان کم دونگ، بیونگ گگ، ہونگ مون پائیو، بائیک جائی ہون، آن گیو بیک اتے لی ون ووک شامل ہن۔
