ګلګت۔13ستمبر(اے پی پی) نګران وزیراعظم انوار الحق کاکړ وئيلي دي چې د ګلګت بلتستان د اولس مسئلې به د قانون عملدارۍ او آئين لمخې په ترجيحي بنيادونو حل كولې شي٬ يو موټې عناصر به د ټولې ټولنې يرغمال كولو ته پرېښودلې نه شي ٬ حكمت او همت سره به د غلط فهمو ازاله كولې شي٬ هېواد د قوم ٬ يو قانون او يوازې د پاكستان نعرې ګنجائش لري كه څوك بل چا څخه كومه طمعه يا خوش فهمي لري نو هغه دې لرې كړي۔ د دې خيالاتو څرګندونه ده د شورؤ په ورځ د ګلګت په كارډيالوجي روغتون كښې د او پي ډي پرانستې څخه وورستو خبريالانو سره خبرو كښې وكړه۔ وزيراعظم ووئيل ګلګت بلتستان د بېلو رنګونو او نسلونو خلقو يوه ګلدسته ده ، د يو بل حقونه په مساوي توګه تسليمول د ټولنې بنياد دے ، پاكستان لپاره چې د قائد اعظم كوم وژن وو د هغې عملي نمونه مونږ ته په ګلستان كښې په نظر راځي۔ ده ووئيل د نظرياتي اختلاف باوجود يو بل سره په ګډه ژوند كول د انسانيت معراج دے ، د يو بل د حقونو احترام ضروري دے ، د حقونو د نفاذ ذمه واري د رياست ده او دا به په غوره ډول ترسره كوؤ۔ وزیراعظم ووئيل د ګلګت بلتستان اولس لپاره مې هم دا پېغام راوړے دے چې مونږ بايد د يو بل د حقونو احترام وكړؤ۔ كه څوك دا ګڼي چې دلته موجودې ورورولۍ ته به زيان ورسوي نو دا به يۍ لويه غلط فهمي وي هغه بايد دا غلط فهمي لرې كړي۔ ده ووئيل كه د كوم سبب د لاسه كومې غلط فهمۍ رامخې ته شوي دي نو دا به حكمت او همت سره لرې كولې شي۔ وزیراعظم ووئيل د دې ځايې چې كومې آئيني چارې دي په هغې ګورنر ٬ اعلی وزير٬ د كابينې غړو او نورو اړوند فريقو سره خبرې شوي دي٬ د ګلګت بلستان مسئلو حل كولو له به ټولې ممكنه هڅې كولې شي دغسې چې د دې ځايې اولس په خپلو پښو ودرېږي او يو پروقاره ژوند تېر كړې شي۔ وزيراعظم ووئيل په ګلګت بلتستان كښې د سېلګرۍ ٬ معدنيات او توان په شمول ټولو اقتصادي موقعو څخه ګټه پورته كولو له به د اوږدې مودې په تګلاره كار كولې شي۔ ده ووئيل په ګلګت بلتستان كښې د سړكونو ښه كول د وفاقي حكومت په ترجيحاتو كښې شامل دي۔ يو موټې عناصر به د ټولې ټولنې يرغمال كولو ته پرېښودلې نه شي۔ په سپریم ایپلټ کورټ كښې د جج تعیناتۍ په اړه د يوې پوښتنې په ځواب كښې وزيراعظم ووئيل په دې اړه به ډېر زر ښه خبر رامخې ته شي۔ ده ووئيل د قراقرم پوهنتون مالي چارې به ترسره كړې شي۔ وزیراعظم ووئيل په پاكستان كښې يوازې د پاكستان استخباراتي ادارې كار كولې شي دې نه علاوه د بلې كومې ادارې كوم ګنجائش نشته۔ د يوې بلې پوښتنې په ځواب كښې ده ووئيل په ګلګت كښې د پی ټی وی بیورو آفس جوړولو او په پی ټی وی شینا او بلتی ژبه كښې د ټاك شوز پېل كولو هدايات جاري كړې شوي دي دغسې چې د دې ځايې سياسي ٬ معاشي او نورې مسئلې په ډاګه كړې شي۔
