اسلام آباد۔17 اګست(اے پی پی) د خارجه دفتر وياندې ممتازه زهره بلوچ وئيلي دي چې د قانون او آئين لرونكي هېواد په حېث پاكستان عدم برداشت او پرتشدد كارروايۍ قبلولې نه شي ، وزیراعظم تېره ورځ په فېصل آباد كښې د رامخې ته شوې پېښې سخته غندنه كړې ده په كومه كښی چې ګرجا ګھرونه په نښه كړې شول چې ورسره د ګرد هېواد د مسيحيانو جذبات مجروح كړې شول۔ د زيارت په ورځ په اوونيز بريفنګ كښې د فېصل آباد پېښې په اړه د خارجه دفتر وياندې ووئيل دا فعل غېر قانوني او غېر آئيني دے٬ د قانون او آئين لرونكي هېواد په حېث پاكستان عدم برداشت او پرتشدد كارروايۍ قبلولې نه شي۔ دې ووئيل قانون نافذ كوؤنكي چارواكي دې فوري كارروائي وكړي۔ دوئي ته د وزيراعظم لخوا هدايت كړے شوے دے چې هغه دې مجرمان نيولو سره قانون سره مخامخ كړي۔ دې ووئيل مذهبي اقليتونو سره تعلق لرونكي د رياست يو برابر وګړي دي۔ دې ووئيل د يو شمېر ثقافتونو او مذهبونو هېواد په توګه پاكستان دوئي ته د دوئي آئيني حقونو ٬ آزادۍ ٬ تحفظ ٬ سماجي همغږۍ ٬ روادارۍ او ګډ احترام ته د ودې وركولو عزم لري۔
