اسلام آباد۔8جولائی (اے پی پی) اولسمشر ډاكټر عارف علوي د پاك پوځ د شهيدانو له كورنيو سره ټېلي فوني خبرې كولو سره شهيدانو ته د عقيدت پېروزوينې وړاندې كړې او قام او هېواد لپاره يۍ د هغوي د خدماتو ستائنه وكړه۔ د ايوان صدر د ميډيا ونګ لخوا جاري شوي بيان له مخې اولسمشر ډاكټر عارف علوي د جولائي په 2مه نېټه په بلوچستان كښې د شهيد شوي ميجر ثاقب باجوه او نائك علي باقر كورنيو سره ټېلي فوني خبرې وكړې۔ ده د شهيد شوي سپاهي ګل رؤف كورونۍ سره هم خواخوږي څرګنده كړه کوم چې د جون په شلمه په شمالي وزيرستان کې شهيد شوي وو۔ اولسمشر د شهيدانو او د هغوي د كورنيو وطن سره مينې او ايثار ته سلام وړاندے كړو او د قام لخوا يۍ شهيدانو او د هغوي كورنيو ته د عقيدت پېرزينې ډالۍ كړې۔ اولسمشر د هغوي د فرض ترسره كولو او هېواد لپاره د هغوي د قربانۍ اعتراف وكړو۔ ده شهيدانو له د لوړو درجو او غمجنيو كورنيو له د صبر او زغم دعا وكړه۔
