اسلام آباد 7 جون (اے پي پي) الېكشن كمېشن علاؤ الدين مري د بلوچستان لنډ مهاله اعلی وزير غوره كړو۔ د ده نامه د بلوچستان حكومت لخوا تجويز كړې شوې وه۔ د زيارت په ورځ الېكشن كمېشن كښې د چيف الېكشن كمېشن كمشنر جسټس (ر) سردار محمد رضا په مشرۍ كښې غونډه وشوه كومه كښې چې د كمېشن غړو ګډون وكړو۔ غونډه كښې د بلوچستان حكومت او مخالفې ډلې لخوا د نګران اعلی وزير لپاره په استولې شويو نامو غور وكړې شو او د رايو په اتفاق مستونګ سره د تعلق لرونكي علاؤ الدين مري نامه غوره كړې شوه۔ دده د نامې اعلان د الېكشن كمېشن اېډيشنل سېكتر د ميډيا په وړاندې وكړو۔ د حكومت لخوا د علاؤ الدين او شوكت پوپلزئي او د مخالفې ډلې لخوا د اشرف جهانګير او اسلم بھوتاني نامې وړاندې كړې شوې وې۔ په دې كښې د علاؤ الدين مري په نامه سلا يوه شوه
