اسلام آباد ۔ 12 مئی (اے پی پی) د موسميات څانګې ترمخه په راروانو 24 ساعتو كښې د اسلام آباد او پنډۍ په شمول ګوجرانواله، سرګودھا، کوئټه ، ژوب، قلات ډویژن،خېبرپختونخوا ٬ فاټا ٬ لاهور ٬ ملتان ٬ ډي جي خان ٬ فېصل آباد ٬ ساهيول ډویژن،ګلګت بلتستان او د كشمير په ځينو سيمو كښې طوفان او د پړق پړوق سره د باران امكان دے۔ د هېواد په نورو سيمو كښې به موسم ګرم او خشك وي۔ د تېرو 24 ساعتو په مهال د اسلام آباد پشمول بره پنجاب ٬ خېبر پختونخوا ٬ فاټا او زيارت كښې باران وشو چې ورسره موسم كښې ښه والې رامخې ته شوې۔ د هېواد په نورو سيمو كښې موسم ګرم او خشك ؤ۔ تر ټولو زيات باران د خېبر پختونخوا دير سيمه كښې 11، كوز دير كښې 07، چترال كښې 04، دروش كښې 02 او د بلوچستان زيارت سيمه كښې 01 ملي ميټر ريكارډ كړې شوې۔ تېره ورځ ريكارډ كړې شوې تر ټولو زياتو ګرمو سيمو كښې د لاړكانې درجه حرارت 49 او د شهید بینظیر آباد، دادو، جېکب آباد او موهنجوداړو 48 ډګري سېنټي ګرېډ ريكارډ كړې شوې
