اسلام آباد 19 دسمبر (اے پي پي) د بوسنيا او هرزيګوينا پاكستان ږپاره نومولي شوي سفير ايمن کوهوډاريوچ صدر مملكت ډاكټر عارف علوي سره د نهې په ورځ په ايوان صدر كښې ليدلي دي ۔ په دې موقع سفير خپل سفارتي سندونه صدر مملكت ته وړاندې كړل۔ د ايوان صدر پرېس ونګ لخوا د جاري بيان له مخې صدر د نومولي شوي سفير هركلي كولو سره ووئيل پاکستان بوسنيا او هرزيګوينا سره د ورورولۍ او شريك باور دوستۍ ته په درنه سترګه ګوري۔ ده په دې خبره رڼا واچوله چې د تجارت، معيشت او اولسي رابطو په څانګو كښې د اړيكو لا زياتولو بلها ګنجائش موجود دے۔ سفير ووئيل زه به سياسي٬ اقتصادي او د كلتوري اړيكو لا ودې وركولو لپاره كار كوم۔ دغسې په دې مهال صدر سفير ته په تقررۍ مباركي وركولو سره هغه لپاره هيله څرګنده كړې چې ھغه به پاكستان سره د دوه اړخيزه اړيكو لا ودې لپاره خپل كردار لوبوي۔
