اسلام آباد۔18دسمبر(اے پی پی) د اطلاعاتو، خپرونو او پارلماني چارو وفاقي وزير مرتضي سولنګي ويلي دي چې بهرنيان له قانوني اسنادو او ويزې پرته تر غېر محدودې مودې په پاکستان کښې نه شي پاتې کېدې، د غېر قانوني بهرنيانو خپلو هېوادونو ته د لېږلو حوالې سره په پاكستان ټكونه بهرنيو هېوادونو وكړل٬ مونږ يوازې هغو بهرنيانو ته خپل هېواد ته د ستنېدو وويل كوم چې دستاوېزات يا وېزې نه لري۔ د ګل په ورځ د هم نيوز يو پروګرام كښې خپلو خبرو كښې ده وويل په پاكستان كښې نزدې 20 زره داسې افغان وګړي موجود دي كومو چې امريكائي اتحادي پوځ سره كار كړې٬ افغان حكومت هم دا كسان تر دې دمه خپل هېواد ته منتقل نه كړې شول۔ ده ووئيل په غېر قانوني توګه په يو هېواد كښې پاتې كېدونكو سره چې نړۍ كښې كوم سلوك كېږي ټولو ته معلوم دے٬ بهرنيانو سره د سلوك اعتبار سره د پاكستان ريكارډ تر ټولو ښه دے۔ ده وويل په پاكستان كښې د لكھونو په شمېر افغان وګړي موجود دي كوم چې د روغتیا، تعلیم او سوداګرۍ په ګډون ټولو اسانتیاوو ته لاسرسی لري۔ ده ووئيل كوم بهرني وګړي چې اړوند دستاوېزات يا وېزې نه لري مونږ يوازې هغو ته خپلو هېوادونو ته د ستنېدو ويلي دي۔ ده وويل مونږ له دا پرېكړه ضرور كول دي چې بهرنيان په پاكستان كښې كوم حېثيت سره او څومره پاتې كېدې شي۔ بهرنيان كه افغان وګړي وي يا كوم نورو هېوادونو سره تعلق لرونكي وي هغوي تر غېر محدودې مودې دلته پاتې كېدې نه شي۔
