اسلام آباد 26 اکتوبر (اے پي پي) د كشمير او ګلګت بلتستان چارو وفاقي وزير علي امين خان ګنډاپور وئيلي دي چې ﴿نن﴾ د اتوار په ورځ د اكتوبر 27مه نېټه به په قومي او نړيواله كچه د په مقبوضه كشمير د هند د قبضې په ضد د تورې ورځې په توګه لمانځلې شي او په ټوله نړۍ كښې به په كشمير د هند ناجائز قبضه څرګندولې شي۔ د وزيراعظم په هدايت به ټولې ادارې په وفاقي او صوبائي كچه د لاريونونو٬ سېمينارونو او مباحثو اهتمام كوي٬ په پرنټ ٬ الېكټرانك او سوشل مېډيا هم د كشمير مسئله په ډاګه كولو لپاره پروګرامونه ترتيب كړے شوي دي۔ ده دا خبرې د خالي په ورځ خبري كنفرنس ته د وېنا كولو په مهال وكړې۔ ده ووئيل چې په مظفر آباد كښې به دستوره كولې شي چې پكښې به زه په ذاتي توګه ګډون كوم۔ دغسې د هېواد په ټولو ښارونو او د ضلعو په كچه به هم دستورې كېږي او كشميري اولس سره به د يووالي څرګندونه كولې شي۔ ده ووئيل چې د پاكستان اولس مشر او وزيراعظم لخوا د كشمير تورې ورځې په اړه خاص پېغامونه خپرولې شي او په خارجه وزارت كښې كشمير سېل ډېر په تندې سره فعاله كار كوي۔ ده ووئيل چې په پاكستان كښې غېر ملكي مشنز ته به په مقبوضه كشمير د هند ناجائز قبضې په اړه خاص بريفنګ وركولې شي۔ ده ووئيل چې په نورو هېوادونو كښې د پاكستان مشنز به د تورې ورځې په اړه خاص دستورې كوي۔ ده ووئيل چې د كشمير او ګلګت بلتستان چارو وزارت به د تورې ورځې په اړه په ټولو چارو كښې مرسته كوي٬ په دې لړ كښې ټولو وزارتونو٬ ادارو٬ صوبو٬ آزاد كشمير او ګلګت بلتستان سره رابطه جوړه كړې شوې۔ ده ووئيل چې د اطلاعاتو او خپرونو وزارت هم د تورې ورځې په اړه پوره تياري كړې ده۔
