اسلام آباد – 23 – مارچ (اي پي پي) وزيراعظم محمد شهباز شريف چيو آهي ته قوم اڄ پاڪستان جي بانين کي انهن جي سياسي دانشمندي ۽ جدا ملڪ جي لاءِ اڻٿڪ جدوجهد ڪرڻ جي عزم تي خراج عقيدت پيش ڪري ٿي. پاڪستان ڏهاڙي جي موقعي تي پنهنجي ٽوئيٽ ۾ وزيراعظم چيو ته هي ڏينهن ان ڳالهه جي ياد ڏياري ٿو ته ڀلي جيترا به چئلينجز هجن، انساني ارادو ناممڪن کي حاصل ڪرڻ جي صلاحيت رکي ٿو. هن چيو ته زندهه قومون پنهنجي ڪارڪردگي جي آئيڊيل سان ڀيٽ ڪري پاڻ کي آزمائين ٿيون، اهو انهن جو خود شناسي ۽ احتساب جو طريقو آهي. وزيراعظم چيو ته مشڪلاتن کي شڪست ڏيڻ جي لاءِ پاڪستان جي تصور تي منهنجو پڪو يقين آهي، اچو اڄ 23 مارچ تي اسان قوم جي خدمت جو جذبو پيدا ڪريون.
