اسلام آباد10اګست (اے پي پي)صدر ډاکټر عارف علوي سره د نائيجر د قامي اسمبلۍ سپيکر سېني عُمارو په مشرۍ كښې پارلماني پلاوي د نهې په ورځ ليدلي دي ۔ په دې موقع پلاوي سره په خبرو كښې صدر ووئيل پاکستان د “لُک افريقه ” پاليسۍ له مخې نائيجر سره اړيكو ته خاص اهميت وركوي٬ د پاکستان او نائيجر ترمېنځه دوه اړخيزه معاشي او تجارتي اړيكو كښې زياتوالي ته اړتيا ده ۔ صدرووئيل پاکستان به سږ كال د نائيجر 100 زده كوٶنكو ته په پاكستان كښې تعليم لپاره سكالرشپ وركوي۔ ده ووئيل د دواړو هېوادونو ترمېنځه د پارلماني مرستې يادښت سره به په دوه اړخيزه اړيكو كښې لا بهتري راشي، د دواړو هېوادونو ترمېنځه تجارت او د كاروبار ودې لپاره ترجيحي تجارتي لوظنامې ته اړتيا ده ۔ د نائيجر د قامي اسمبلۍ سپيكر سېني عُمارو ووئيل نائيجر پاکستان سره په بېلا بېلو څانګو كښې مرستې ته وده وركولو له خوښي لري، نائيجر د کاروبار، معيشت، تجارت او كركيلې په څانګو كښې پاكستان سره اړيكې مضبوطول غواړي او د زرعي پېداوار زياتوالي او نهري نظام جورولو لپاره د پاکستان د معاونت خواهشمند دے۔د نائيجر د قامي اسمبلۍ سپيكر د پاكستان لخوا په سل سكالرشپس او په مېلمستياﺀكولو د پاكستان ستائنه وكړه۔ په دې موقع ده صدرډاكټر عارف علوي ته د نائيجر دورې بلنه هم وركړه۔
