اسلام آباد – 11 – جون (اي پي پي) وزيراعظم محمد شهباز شريف لڪي مروت ضلعي ۾ دهشتگردن جي خلاف ڪارروائي ۾ 11 دهشتگردن کي مارڻ تي سيڪيورٽي فورسز کي خراج تحسين پيش ڪندي چيو آهي ته پاڪ فوج جي بهادر جوانن پنهنجي جانين تي کيڏي دهشتگردن جي خلاف ڪامياب آپريشن ڪيو. وزيراعظم آفيس جي ميڊيا ونگ پاران جاري بيان موجب وزيراعظم چيو ته دهشتگردي جي خلاف جنگ ۾ سيڪيورٽي فورسز سدائين مضبوط ديوار ثابت ٿي آهي، پوري قوم سيڪيورٽي فورسز سان گڏ بيٺل آهي. وزيراعظم چيو ته اسان پا فوج جي شهيدن ۽ غازين کي سلام پيش ڪريون ٿا، اسان دهشتگردي جي مڪمل خاتمي جي لاءِ پرعزم آهيون.
