اسلام آباد – 07 – ڊسمبر (اي پي پي) پرڏيهي آفيس جي ترجمان ممتاز زهره بلوچ چيو آهي ته هلندڙ هفتي کان سينيئر آمريڪي عملدارن جي پاڪستان جي دورن جو سلسلو جاري آهي، ان ۾ آبادي، پناهگيرن ۽ مائيگريشن بابت اسسٽنٽ سيڪريٽري جوليٽا والس نوائس، افغانستان بابت خصوصي نمائندي ٽام ويسٽ ۽ پرنسپل ڊپٽي اسسٽنٽ سيڪريٽري الزبٿ هورسٽ جا دورا شامل آهن. ترجمان پريس بريفنگ ۾ چيو ته اهي دورا آمريڪا سان افغانستان جي صورتحال سميت ڪيترن ئي مسئلن تي جاري ڳالهه ٻولهه جو حصو آهن پر ان تائين محدود نه آهيون. هن چيو ته پاڪستان آمريڪا سان مستقل رابطي ۽ ڳالهه ٻولهه جي لاءِ پرعزم آهي.
