اسلام آباد۔2دسمبر (اے پی پی):نیشنل کمانڈ اینڈآپریشن سینٹر موجب گزریل چووی گھنٹے اچ کورونا وائرس پاروں خیبرپختونخوا دے بعد پنجاب اچ ساریں توں ودھ اموات ریکارڈ کیتیاں ڳئن ۔ نیشنل کمانڈ اینڈ آپریشن سینٹر دی طرفوں جاری تھیوݨ آلے اعدادو شمار موجب گزریل 24 گھنٹے اچ پورے ملک اچ 377 لوکاں دے کووڈ۔ 19 ٹیسٹ مثبت آئے۔ملک دے 4 وݙے شہراں اچ وینٹیلیٹرز تے کووڈ۔ 19 دے مریضاں دے تناسب دے لحاظ نال پشاور اچ 15 اسلام آباد اچ 16 ملتان اچ 16 اتے لاہور اچ 9 فیصد مریض ہن۔ ۔گزریل 24 گھنٹے اچ کووڈ۔19 دے 44137 ٹیسٹس کیتے ڳئن جنھاں وچوں سندھ اچ 12443 پنجاب اچ 17173 خیبرپختونخوا اچ 8289اسلام آباد اچ 4542 بلوچستان اچ 1106گلگت بلتستان اچ 312 آزاد کشمیر اچ 272 ٹیسٹ شامل ہن۔ ہݨ تئیں پورے ملک اچ کووڈ۔19 توں صحتیاب تھیوݨ آلیں دی 12 لکھ 42718 تھی ڳئی اے بلوچستان،آزاد کشمیر اتے گلگت بلتستان اچ کووڈ۔19 دا کوئی وی مریض ایں ویلھے وینٹیلیٹر تے کائنی ، پورے ملک اچ کووڈ۔19 کیتے مختص وینٹیلیٹرز تے 102 مریض ہن۔ پورے ملک اچ کووڈ۔19 دے ایکٹو کیسز دی تعداد 14168اے۔ ملک اچ کورونا وائرس توں متاثرہ لوکاں دی تعداد 12 لکھ 85631 اے۔
