اسلام آباد 01 دسمبر (اے پی پی)د اقتصادي چارو وفاقي وزير سردار اياز صادق په مشرۍ كښې په سېلاب ځپليو سيمو كښې د نړيوالې مرستې هلو ځلو په اړه د رابطه سټيئرنګ كمېټۍ شپږمه غونډه وشوه۔په غونډه كښې پرمختيائي شراكتدارو ته د سېلاب څخه بچ كېدو او د مرستې هلو ځلو٬په سېلاب ځپليو سيمو كښې د خوراك صورتحال او په موسمياتي لحاظ څخه د مناسب بحالۍ او بيا رغونې لپاره مالي وسائل متحرك كولو لپاره د ډونرز كنفرنس تيارۍ په اړه بريفنګ وركړے شو۔د ورلډ فوډ پروګرام(ډبليو اېف پي)كنټري ډائرېكټر كرس كائے سټيئرنګ كمېټۍ ته د خوراك په صورتحال هم بريفنګ وركړو او په پرمختيائي شراكتدارو يې زور راوړو چې هغوي د بشري همدردۍ په بنيادونو مرستې لپاره وړاندې راشي۔وفاقي وزير سردار اياز صادق ګډون كوونكو سره د بحالۍ او بيا رغونې لپاره د پېشرفت په طريقو د خيالاتو څرګندونه وكړه۔د غونډې په مهال د كمېټۍ غړو د خپلو خيالاتو څرګندونه وكړه او ځينې تجاويز وركړل۔د اقتصادي چارو وزارت سېكرټري د غونډې په اختتام د پرمختيائي شراكتدارو مننه وكړه
