پېښور 10 نومبر (اے پي پي) صدر ډاکټر عارف علوي وئيلي دي په انشورنس انډسټرۍ او د دغې په څيزونو د اولس باور زياتولو لپاره په هېواد كښې تند رفتاره پرمختګ فعاله كړئ ۔ صدر مملکت د دې خيالاتو څرګندونه په ګورنر هاٶس پېښور كښې د “انصاف په وركړه كښې د اېف آئي او د موثره كردار” په سرخط سېمينار ته خپلې وېنا كښې وكړه۔ په سېمينار كښې د خېبرپښتونخوا لنډ مهاله ګورنر مشتاق احمد غني، ډاکټر محمد خاور جميل، د وفاقي انشورنس محتسب (اېف آئي او) سينئر چارواكي٬ د انشورنس کمپنو نمائندګان او د ژوند بېلو څانګو سره تعلق لرونكو كسانو ګډون كولو ۔ صدر مملکت په حکومت او نجي څانګه زور رواړو چې صارف دوست انټرفيس سره د فصلونو بيعه او د آفتونو څخه د متاثره كسانو انشورنس لپاره مصنوعات جوړولو ته پام لرنه وكړئ او د دې پراختيا لا زياتولو لپاره د دې په اهميت خبرې او تشهير وكړئ۔ ده ووئيل پاكستان ته د موسمياتي بدلون او ګلوبل وارمنګ منفي اثرات څخه زيات زيان رسېدلے٬ د دې حقيقت باوجود چې په نړيوال كاربن اخراج كښې د پاكستان برخه د نشت برابر ده۔ ده اولس ته اپيل وكړو چې د كار په ځائ د ځورونې ٬ د وفاق په هره اداره او څانګه كښې د بدانتظامۍ او لاندي باندي په ضد وفاق محتسب، وفاقي انشورنس محتسب (اېف آئي او)، بېنکنګ محتسب، وفاقي ټيکس محتسب، او تحفظ لپاره وفاقي محتسب سره رابطه كوې ٬ دغسې حكومت به په 60 ورځو كښې د دې شكايتونو ازاله كوي۔ په دې موقع سيمنار ته نورو شخيصاتو هم وېنا وكړه
