اسلام آباد 07 جون (اے پي پي﴾ وزيراعظم عمران خان د اختر لمونځ په اسلام آباد كښې د خپلې استوګنې بني ګالا په جومات كښې ادا كړو۔ د اختر لمنوځ ادا كولو نه پس وزيراعظم د هېواد سلامتيا او خوشحالې لپاره خاص دعاګانې وكړې۔ د بني ګالا سېكرټرېټ ملازمينو او سېكيورټي سټاف هم وزيراعظم سره د اختر لمونځ ادا كړو۔ وزيراعظم عمران خان د اختر لمونځ ادا كولو نه پس هلته موجود ټولو كسانو سره يو په يو مصافحه وكړه٬ غاړه ئې وركړه او د اختر مباركي ئې وكړه۔ وزيراعظم په ټويټر په خپل پېغام كښې ټولو پاكستانيانو ته د اختر مباركي وركولو سره ووئيل چې زما پاكستانيانو ٬ تاسو ټولو ته دې اختر مبارك وي٬ حكومت د هېواد او قوم پرمختګ او خوشحالې لپاره په سم پلو سفر پېل كړے۔ ډېر زر به د يو متحد قوم په شان پاكستان د معاشي او معاشرتي ستونزو نه وباسو۔ وزيراعظم د پاكستاني قوم پرمختګ٬ امن او خوشحالې لپاره خاص دعا هم وكړه۔
