پېنډې 14 جنوري (اے پي پي) اولس مشر ډاكټر عا0رف علوي اولس ته د روغتيا او تعليم آسانۍ وركولو اهميت رامخې ته كولو سره وئېلي دي هېواد د پرمختګ او خوشحالۍ په لاره روانولو لپاره د روغتيا او تعليم څانګې زيات اهميت لري٬د روغتيا په مېدان كښې به نجي څانګې له خپل فعاله كردار ادا كول وي۔ده دا خبرې د ګل په ورځ د پنجاب هېلتھـ فاؤنډېشن د روډ شو دوهمې دستورې ته د وېنا كولو په مهال وكړې۔دې پروژې له مخې د روغتيا په څانګه كښې د سود نه پاك قرض وركول پراخه كولې شي چې ورسره به نزدې 1 لك ملازمتونه هم راپیدا شي۔ده ووئيل په نړۍ كښې د روغتيا په څانګه كښې نجي څانګه مهم كردار ترسره كوي ٬ په پاكستان كښې به هم نجي څانګې ته د روغتيا په څانګه كښې خپل كردار ترسره كول وي۔ده د طب څانګې سره تړون لرونكو كسانو لپاره د سود نه پاك قرض وركولو د لارې د پنجاب حكومت د اقدام په اړه په اولس كښې د شعور بېدارولو په ضرورت هم زور راوړو۔ده ووئيل ټېلي مېډيسن سروسز هم د روغتيا په څانګه كښې مهم كردار ترسره كوي بايد نجي څانګه دې پلو هم پام وكړي۔ د پنجاب حكومت د روډ شو د اقدام ستائنه كولو سره اولس مشر مېډيكل پريكټيشنرز ته ووئيل چې هغه د دې موقعې نه استفاده وكړي۔ده په دې خبره د اطمينان څرګندونه وكړه چې د قرض ستنولو شرح 97 فيصده ده كومه چې د ډاډ وړ خبره ده۔ده ووئيل خلق د غربت او بې روزګارۍ نه خلاصولو لپاره د روغتيا او تعليم څانګو ته د پام كولو زيات ضرورت دې۔ده په دې لړ كښې د چين مثال وړاندې كړو كوم چې كروړنه خلق د يوې لسيزې په مهال د غربت نه ويستلې دي ۔اولس مشر ووئيل د هېلت كارډ اجرا د روغتيا په څانګه كښې لويې پرمختګ دے۔ده ووئيل په ټولنه كښې د روغتيا په اړه دوه متضاد ستونزې رامخې ته دي يو خوا ته د آبادۍ يوه برخه د څربېدو ستونزې سره مخ ده او بل خوا د غذا كمې او د سټينټډ ګروت مسئله ده٬ اولس مشر د هېلت فيټنس په اړه د شعور په بېدارولو هم زور راوړو او د حكومت لخوا يې د غېر صحت منده رجحاناتو خوصله شكنۍ لپاره په سيګريټ او كاربونېټډ مشروباتو د ټېكس لګولو ستائنه وكړه۔اولس مشر ډاكټر عارف علوي ووئيل د روغتيا وزير ته د فيټنس ډے لمانځلو تجويز وركړی شوې ۔۔ده ووئيل په ټولنه كښې د ناروغۍ مخ نيوي لپاره د احتياط ضرورت دې۔د صحت منده چارو نه د لرې كېدو له امله ګڼ شمېر بيمارۍ خپرېږي۔د دې څخه وړاندې د روغتيا وفاقي وزير عامر محمود كياني ووئيل د تېر وخت حكومتونو د روغتيا څانكې ته ترجيح نه ده وركړې خو د پي ټي آئي حكومت د دې رجحان بدلولو هڅه كوي۔ده اعلان وكړو چې د جنورۍ تر آخر به د هېلت كارډ اجرا عمل مخ په وړاندې بوتللې شي او د دې به تر 2 كروړه خلقو ته ګټه ورسي۔ده ووئيل تر 2030 به په هېواد كښې د لس لكه نرسانو خذمات پكار وي٬حكومت په اسلام آباد كښې نرسنګ پوهنتون جوړوي٬د دې نه علاوه روغتونونه هم جوړولې شي۔
