اسلام آباد 27 نومبر (اے پي پي) وزیراعظم عمران خان د نهې په ورځ د اسلام آباد مسئلو پحقله د غونډې مشري وكړه۔ په دې موقع د وزیراعظم خاص مرستيال علي نواز، د قامي اسمبلۍ غړې راجه خرم نواز، داخله سېكتر میجر (ر) اعظم سلیمان خان٬ چيف كمشنر اسلام آباد عامر احمد علي ٬ آئي جي پي اسلام آباد عامر ذوالفقار او نورو لوړ پورو هم په غونډه كښې ګډون وكړو۔ داخله سېكتر داخله وزير د تجاوزاتو مخنيوي كمپائن او د قبضه ګرو په ضد كاروائۍ كښې د پېشرفت پحقله خبر كړو۔ داخله سېكتر وزیراعظم اسلام آباد مثالي ښار جوړولو لپاره د نوې لنډې او مېنځنۍ مودې د اقداماتو پحقله هم خبر كړٶ۔ داخله سېكتر وزیراعظم اسلام آباد كښې درسپانسيو ګورننس باوري كولو پحقله د بېلا بېلو اقداماتو نه هم خبر كړو۔ وزیراعظم ته ووئيلې شوو چې د تجاوزاتو مخنيوي كمپائن او د قبضه ګرو په ضد د كاروائيو په مهال قبضه ګرو څخه تېمر كښې 75 فيصده ٬ د مارګله غرونو په لمن كښې 114 كناله ٬بوټېنيكل ګارډن زمكې خلاصې كړې دي كومې چې د موسمياتي بدلون وزارت ته سپارلې شوې دي۔ وزیراعظم ته دا هم ووئيل شول چې ماركيټونو كښې هم تجاوزات ختم كړې شوې او د كورونو په وړاندې ګرېن ايريا به هم په يو څو ورځو كښې بېرته واخستې شي۔ وزیراعظم خبر كړې شو په ټولو زونونو كښې د پرانستې كچهريو انعقاد شوې دې دغسې چې د قبضه ګرو په ضد د وګړو ګيلې واورېدې شي او د ھغې ازاله وكړې شي۔ وزیراعظم ته ووئيل شول چې په زمكو د غېر قانوني قبضو مسئلې حل كولو لپاره لېنډ رېكارډ كمپيوټرائزډ كړې شوې دې او كمپيوټرائزډ كمپلېنټ مېنجمنټ نظام معرفي كړې شوې دې۔ د ټېكنالوجۍ نه علاوه د مسئلو هواري لپاره اهلكار هم غوره كولې شي ۔ د ډرګ مافيا په ضد كاروائۍ په خاص توګه تعليمي ادارو سره نزدې د كاروائيو پحقله هم وزیراعظم خبرې كړې شوې ٬ تر اوسه په تېرو 25 ورځو كښې د نشه اي توكو 117 مقدمې درج كړې شوې دي۔ دا هم ووئيل شول چې د اسلام آباد كېپټل ټېرېټري پوليس او اے اېن اېف د موثره كاروائيو نه علاوه وګړي په خاص توګه د زده كوٶنكو مور پلار مرستې لپاره جامع پلان هم جوړ كړې شوې دې دغسې چې اسلام آباد د نشې لعنت نه خلاص كړې شي۔ داخله سېكتر وزيراعظم د بېلا بېلو نورو اقداماتو نه هم خبر كړٶ چې پكښې د اسلام آباد په لويو پاركونو ښكلا او وګړو ته د اوبو د مسئلو هواري لپاره اقدامات شامل دي ۔د پوليسو انسپکټر جنرل هم وزيراعطم ته د پوليس چارو پحقله بريفنګ وركړو۔
