اټك 06 مئي (اے پي پي) د پارلماني چارو وفاقي وزير شېخ افتاب احمد وئيلي دي چې كه په هېواد كښې د پرمختګ باب پرانستې ساتل دي نو بايد اولس د كال 2018م په ټولټاكنو كښې راتلونكو پنځو كلونو لپاره مسلم ليګ كامياب كړي٬ د چوهدري نثار خبري كنفرنس ټولې افواګانې له مېنځه وړې دي٬ د رايو اختلاف فطري عمل دے۔ ده دا خبرې په اټك كښې په خپله استوګنه اے پي پي سره په خاص خبرو كښې وكړې۔ ده ووئيل چې اولس ته د ټولو ګوندونو تېر وخت معلوم دے٬ د اتومي چاودنو نه واخله تر سي پېك د ټولو په شا به د ميا محمد نواز شريف تصوير په نظر راځي۔ ده ووئيل چې پرېكړې د الله په لاس كښې دي۔ په سباؤن كښې د ن ليګ نه علاوه كوم بل ګوند د اولس ستونزې نه شي حل كولې او نه بل څوك هېواد پرمختګ په لار روانولې شي۔ ده ووئيل چې ډېر زر به د اېن اے 55 په يوه يوه پروژه خبرې كولو سره مېډيا خبره كړم۔ زما كاكردګې زما ووټران نه دي مايوسه كړي۔ د باراني پوهنتون په اړه د يوې پوښتنې په ځواب كښې ده ووئيل چې پوهنتون د دې ځائ څخه نه منتقل كېږي۔ د يو ارب روپې څخه په دې كار روان دے۔ ده ووئيل چې د اټك كوڅه كوڅه لار لار وائي چې شېخ افتاب د اولس ستونزې په نظر كښې ساتلو سره په برېښنا٬ ګاز او سړكونو اربونه روپې لګولې دي۔
