اسلام آباد 03 جنوري (اے پي پي) پخوانے وفاقي وزير سرتاج عزيز اېچ اېټ اديره كښې خاورو ته سپارلے شوے٬ د جنازې په مونځ كښې سياسي شخصيات٬ د بېلا بېلو هېوادونو سفيرانو ګډون كولو٬ د سرتاج عزيز درېمه به (نن) د زيارت په ورځ په چك شهزاد فارم هاٶس كښې كېږي٬ سرتاج عزيز تېره ورځ د اوږدې ناروغۍ له امله د 94 كالو په عمر كښې پحق رسېدلے ؤ ۔ د شورو په ورځ د جاري بيان له مخې د ارواښاد د جنازې په مونځ كښې شاهد خاقان عباسي، ډاکټر طارق فضل، چوهدري تنوير حسېن، شکيل اعوان ، فرحت الله بابر، صديق الفاروق، نثار ميمن، اعجاز الحق ،سردار مهتاب خان، ليفټيننټ جنرل (ر) عبدالقيوم، زبېر قصوري، راؤ تحسېن علي خان، راجه ظفر الحق او د بېلا بېلو هېوادونو سفيرانو ګډون كولو۔ ارواښاد سرتاج عزيز د اېچ اېټ اديره كښې خاورو ته سپارلے شوے۔
