حېدر آباد 06 اکتوبر (اے پي پي)د تعليم وفاقي وزير مدد علي سندهي وئېلي دي د تعليم معيار ښه كولو نه بغېر هېواد پرمختګ نشي كولے ۔په نړيواله درجه بندۍ كښې د سندھ او بلوچستان كوم هم پوهنتون نامه نه راتل د افسوس وړ ده ۔ده ووئيل د اكتوبر په 16مه نېټه اسلام آباد كښې د تعليم معيار ښه كولو لپاره به يوه غونډه كېږي٬د اتلسم بدلون نه پس تعليم صوبو سره دے خو د سكولونو خراب حالت په كتلو ډېر خفه شوے يم۔د دې خيالاتو څرګندونه ده په حېدر آباد پرېس كلب كښې خبريالانو سره په خبرو كښې كړی ۔ حېدر آباد پرېس كلب ته په رسېدو د كلب صدر لاله رحمان سموں٬جنرل سېكرټري حميد الرحمان د هغه هركلے وكړو او مشر خبريال علي حسن هغه ته سندهي روايتي اجرك او ټوپي په سر كړل ۔مدد علي سندهي ووئيل د تعليم معيار ښه كولو نه بغېر هېواد پرمختګ نشي كولے٬مونږ له به سنجيدګۍ سره غور كول وي په هېواد كښې د پي اېچ ډي هم ښه معيار د رامخې ته كولو ضرورت دے٬ په خاص توګه سندھ كښې د پي اېچ ډي سند جاري كول د قابليت جانچ كول دي۔ده ووئيل په نړيواله درجه بندۍ كښې د پاكستان پوهنتون هم پكار دے ٬۔ده ووئيل د اكتوبر په 16مه نېټه اسلام آباد كښې د تعليم معيار ښه كولو لپاره به يوه غونډه كېږي چې پكښې به مونږ د صوبو د تعليمي ادارو صورتحال او تعليم جائزه هم اخلو
