ګلګت۔13ستمبر(اے پی پی) نګران وزيراعظم انوار الحق کاکړ د ګلګت په کارډيالوجي روغتون کښې د او پي ډي پرانسته وکړه۔ د شورو په ورځ وزيراعظم د کارډيالوجي روغتون دوره وکړه او دغلته يۍ د او پي ډي پرانسته وکړه۔ په 50 بډونو مشتمل روغتون كښې د اېمرجنسي ٬ آئي سي يو ٬ سي سي يو ٬ د كوچنيانو وارډ او سرجري په شمول د زړونو د مرضونو درملنو لپاره ټولې آسانۍ موجود دي۔ دا په ګلګت بلتستان کښي د کارډیالوجی اولنې روغتون دے۔ د کورنو چارو نګران وفاقی وزیر سرفراز بګټی، د اطلاعاتو او خپرونو نګران وفاقی وزیر مرتضی سولنګی، د ګلګت بلتستان وزیراعلٰی ګلبر خان او نور اعلی چارواكي هم په دې موقعه موجود وو۔ وزيراعظم ته په روغتون كښې درملنو سره د اړوندو آسانيو په اړه بريفنګ وركړے شو۔ ده ته ووئيلې شوو چې روغتون به كال 2024 څخه په بشپړه توګه فعال كړے شي۔
