اسلام آباد 07 جولائي (اے پي پي) د مذهبونو ترمينځه همغږۍ لپاره د وزيراعظم خاص استازي حافظ محمد طاهر محمود اشرفي وئيلي دي چې ټول انبياء علېهم السلام ٬ رسولان او آسماني كتابونه زمونږ رېډ لائن دي٬ اورپائي ائتلاف٬ ملګري ملتونه او د نړۍ هېوادونه بايد دې پلو پام وكړي٬ په دې دې نړيواله قانون سازي وشي، د قرآن پاك د تقدس ورځ په لړ كښې دې سوله ايز احتجاج وكړې شي۔ د جمعې په ورځ ميډيا سره په خبرو كښې حافظ محمد طاهر محمود اشرفي ووئيل نن نه يوازې په پاكستان كښې بلكې په ګرده نړۍ كښې د قرآن پاك د تقدس ورځ لمانځلې كېږي او د دې سبب دا دې چې په سويډن كښې د حكومت په سرپرستۍ كښې د لوي اختر په ورځ د قرآن پاك بې حرمتي كولو سره د يو ارب نه د زيات مسلمانانو جذبات مجروح كړې شوي۔ ده ووئيل مونږ دا ګڼو چې لكه څنګه د يوې كليسا يا مذهبي ځايې يا د عبادت ځايۍ يا د يو آسماني كتاب سوځول جائز نه دي دغسې د قرآن پاك سوځول هم جائز نه دي٬ مسلمانان په ټولو انبياء علېهم السلام ايمان لري٬ مونږ غواړو چې د مسلمانانو د مقدساتو دې احترام وكړې شي، مسلمانانو بلكې ټول كائنات لپاره رحمة اللعالمين جوړولو سره د رالېږلې شوي نبي علېه السلام د ناموس دې احترام وكړے شي۔ ده ووئيل نن به په ګرد هېواد كښې د جمعې په اجتماعاتو كښې د قرآن پاك په تقدس او احترام خطبات وركولې شي، د سويډن په پېښه به بشپړه قراردادونه منظورېږي٬ په حكومتي كچه هم د دې اعلان شوې دے٬ مونږ اپيل كوٶ چې ټول قام دې د قرآن پاك سره راوٶځۍ٬ نننۍ ورځ د وحدت٬ اتحاد او د عظمت قرآن ورځ ده٬ دا ورځ په قرآن پاك د ايمان د څرګندولو ورځ ده
