لنڊن – 08 – مئي (اي پي پي) وزيراعظم محمد شهباز شريف مسجد نبوي ﷺ جي اڳوڻي امام قاري شيخ محمد خليل جي لاڏاڻي تي گهري ڏک ۽ افسوس جو اظهار ڪيو آهي. وزيراعظم ميڊيا آفيس پاران جاري بيان موجب وزيراعظم سندس درجن جي بلندي لاءِ دعا ڪئي ۽ پونئيرن سان تعزيت جو اظهار ڪيو. وزيراعظم چيو ته مرحوم قاري شيخ محمد خليل جي اسلام جي لاءِ خدمتن کي سدائين ياد رکيو ويندو، الله تعاليٰ ان کي جنت الفردوس ۾ اعليٰ مقام عطا فرمائي.
