اسلام آباد – 15 – فيبروري (اي پي پي) پاڪستان مسلم ليگ (ن) جي ترجمان مريم اورنگزيب چيو آهي ته پنجاب جي مختلف ضلعن مان مسلم ليگ (ن) جي يوٿ ونگ جي عهديدارن جو اجلاس اڄ اربع ڏينهن 180 ايڇ ماڊل ٽائون لاهور ۾ ٿيندو. اجلاس جي صدارت پارٽي جي سينيئر نائب صدر ۽ چيف آرگنائيزر مريم نوازڪندي. پنهنجي بيان ۾ مريم اورنگزيب چيو ته اجلاس ۾ يوٿ ونگ، سوشل ميڊيا جي تنظيمي ڍانچي جو جائزو ورتو ويندو. نوجوانن کي درپيش مسئلن ۽ انهن جي لاءِ تجويزون ورتيون وينديون. اجلاس ۾ يوٿ ونگ جا عهديدار يوٿ چارٽر جي تياري لاءِ پنهنجون تجويزون ڏيندا. هن چيو ته اجلاس ۾ يوٿ پاليسي تي مشاورت سميت سوشل ميڊيا جي استعمال ۽ نوجوانن جي ڪردار تي به غور ٿيندو. چيف آرگنائيزر مريم نواز يوٿ ڊيولپمينٽ پاليسي جي لاءِ پارٽي ترجيحون بيان ڪندي.
