اسلام آباد– 18 – جنوري (اي پي پي) وزيراعظم محمد شهباز شريف بلوچستان ۾ پاڪستان ايران سرحد تي دهشتگردي جي واقعي جي سخت مذمت ڪئي آهي جنهن ۾ 4 سيڪيورٽي اهلڪار شهيد ٿيا آهن. وزيراعظم چيو ته اسان اميد ڪريون ٿا ته ايران پنهنجي سرحد تان پاڪستان جي خلاف حملن جي لاءِ پنهنجي سرزمين استعمال ٿيڻ نه ڏيندو. پنهنجي ٽوئيٽ ۾ هن چيو ته قوم فرض جي ادائيگي ۾ پنهنجي شهيد سپاهين جي قربانين کي خراج عقيدت پيش ڪري ٿي. هن چيو ته اميد آهي ايران ان ڳالهه کي يقيني بڻائيندو ته ان جي سرزمين سرحد پار حملن جي لاءِ استعمال نه ٿئي.
