اسلام آباد – 30 مئي (اي پي پي) وزيراعظم جي اطلاعات ۽ نشريات بابت خصوصي معاون ڊاڪٽر فردوس عاشق اعواڻ چيو آهي ته سپريم ڪورٽ جوڊيشل ڪائونسل جي ڪوڊ آف ڪنڊڪٽ ۾ رازداري اولين هوندي آهي، جوڊيشل ڪائونسل جي هدايتن تي ئي ريفرنسز بابت قانون وارو وزير ميڊيا کي آگاهه ڪندو، مسلم ليگ (ن) وارا قيدي نمبر 420 کي خراج تحسين پيش ڪرڻ جي لاءِ جيل ويا هئا، انهي قصيده گو ۽ لطيفه گو پنهنجي دورن ۾ سپريم ڪورٽ تي حملا، ججز کي هدايتون ۽ اٽيچي ڪيس ڏيڻ جي روايت متعارف ڪرائي هئي، مسلم ليگ (ن) ۽ پيپلزپارٽي جي وچ ۾ مڪ مڪا ٿيو آهي، ٻنهي پارٽين جي قيادت اثاثا لڪائڻ، مني لانڊرنگ ۽ جعلي اڪائونٽس جي معاملن ۾ سڌو سنئون ملوث آهن. هو واپار واري صلاحڪار عبدالرزاق دائود سان گڏ پي آءِ ڊي ۾ پريس ڪانفرنس ڪري رهي هئي.
