لاہور۔یکم فروری (اے پی پی):صوبائی الیکشن کمیشن پنجاب دی طرفوں ضابطہ اخلاق دی خلاف ورزیاں تے کاروائیاں جاری ہن۔ ترجمان الیکشن کمیشن موجب خمیس کوں ڈسٹرکٹ مانیٹرنگ افسر مظفر گڑھ امیدوار این اے 175مظفر گڑھ جمشید دستی کوں بلااجازت کارریلی کڈھݨ تے 50ہزارروپے جرمانہ لاتے ۔امیدوار پی پی 268مظفر گڑھ جام محمد یونس کوں خلاف ضابطہ تشہیری مواد لاوݨ تے10ہزار روپے جرمانہ لاتا ڳئے ۔ ایویں پی پی 209خانیوال امیدوار چوہدری ضیا الرحمن کوں ہوائی فائرنگ تے 50ہزار روپے جرمانہ ݙیوݨ دے احکامات جاری کیتے ڳئن ۔امیدوار این اے161بہاولنگر محمد اجمل قادری 20ہزار روپے جرمانہ سرکاری خزانے اچ جمع کروا ݙتے۔پی پی 81خوشاب اچ انتخابی امیدوار دے حامی محمد اخلاق اعوان تے 10ہزار روپے جرمانہ لاتا ڳئے۔محمد اخلاق ضابطہ اخلاق دے پیرا 41دی خلاف ورزی کریندے ہوئیں اشتعال انگیز تقریر کیتی ہئی ۔ ملتان دے قومی و صوبائی اسمبلی حلقیں توں امیدواران خواجہ صغیر احمد، یوسف رضا گیلانی اتے عبدالغفار ڈوگر سودھے 13امیدواراں کوں وارننگز اتے نوٹس جاری کیتے ڳئن ۔
