اسلام آباد۔19ستمبر (اے پی پی) وزیراعظم شہباز شریف اڄ سنوار کوں لندن توں امریکہ پڄسن جتھ او اقوام متحدہ دی جنرل اسمبلی دے 77ویں اجلاس اچ پاکستان دی نمائندگی کریسن۔ وزیراعظم آفس دے میڈیا ونگ توں جاری بیان موجب وزیراعظم لندن اچ ملکہ برطانیہ دی چھیکڑی رسومات اچ شرکت دے بعد نیویارک پڄسن۔ نیویارک موجود اچ وزیراعظم ٻئے ملکاں دے رہنماواں نال اہم ݙو پاسہ ملاقاتاں کریسن۔ 20 ستمبر کوں وزیراعظم اقوام متحدہ دے سیکرٹری جنرل دے استقبالیہ اچ شریک تھیسن۔ 20 ستمبر کوں وزیراعظم شہباز شریف دی فرانس دے صدر ایمانوئیل میخواں نال ملاقات تھیسی۔ 20 ستمبر کوں وزیراعظم شہباز شریف دی آسٹریا دے چانسلر اتے سپین دے صدر نال ملاقاتاں تھیسن۔ وزیراعظم شہباز شریف دی یورپی یونین کونسل دے صدر چارلس مائیکل نال وی ملاقات تھیسی۔ 21 ستمبر کوں وزیراعظم شہباز شریف دی آئی ایم ایف دی ایم ڈی کرسٹالینا جورجیوا، ورلڈ بینک دے صدر ڈیوڈ ملپس نال ملاقات تھیسی۔ ترکیہ دے صدر رجب طیب اردوان دے علاوہ ایران دے صدر سید ابراہیم رئیسی نال وی وزیراعظم شہباز شریف دی ݙو پاسہ ملاقات تھیسی۔ وزیراعظم شہباز شریف نال اقوام متحدہ دی جنرل اسمبلی دے صدر دی ملاقات تھیسی۔ 21 ستمبر کوں وزیراعظم شہباز شریف امریکہ دے صدر جو بائیڈن ولوں ݙتے آئے عشائیہ اچ شریک تھیسن۔ وزیراعظم شہباز شریف 21 ستمبر کوں ترکیہ دے صدر اتے انہاں دے اعزاز اچ ظہرانہ ݙیسن۔ وزیراعظم شہباز شریف دی فن لینڈ دے صدر سعالی نوسیتو نال ملاقات تھیسی۔ 22 ستمبر کوں وزیراعظم شہباز شریف دی مائیکروسافٹ دے بانی بل گیٹس نال ملاقات تھیسی۔ وزیراعظم شہباز شریف دی اقوام متحدہ دے سیکرٹری جنرل انتونیوگوتیرس نال انہاں دے دفتر اچ ملاقات تھیسی۔ وزیر اعظم دی چین دے وزیراعظم لی کی چیانگ، جاپان دے وزیراعظم فیومیو کاشیڈا، لیگزمبرگ دے وزیراعظم زیوئیر بیٹل نال ملاقاتاں تھیسن۔ وزیراعظم شہباز شریف دی ملائیشیاء دے وزیراعظم اسماعیل صابری یعقوب نال وی ملاقات تھیسی۔ 23 ستمبر کوں وزیراعظم شہباز شریف اقوام متحدہ دی جنرل اسمبلی نال خطاب کریسن۔
