اسلام آباد 20 دسمبر(اے پي پي)د پاكستان چائنا انسټي ټيوټ او چائنا اكنامك نيټ او د اولسي جمهوريه چين سفارتخانې په مرسته اسلام آباد كښې د 8م سي پېك ميډيا فورم غونډه وشوه چې پكښې د نورو ګډون كوونكو او مقررينو سره د بيجنګ او يونيورسټي آف ګوادر اړوندو هم به ورچوئل توګه ګډون وكړو۔فورم ته د اطلاعات او خپرونو لنډ مهاله وفاقي وزير مرتضٰی سولنګي٬ په پاكستان كښې د جمهوريه چين سفير ژانګ زيډ ونګ٬د دفاع لپاره د سېنېټ قائمه كمېټۍ چيئرمېن سېنېټر شاهد حسېن سيد٬د اكنامك ډيلي صدر ااو ايډيټران چيف ژينګ چنګ ډونګ٬د چائنا اكنامك نېټ صدر كيوئي جون٬ د چائنا جرنلسټ اېسوسي اېشن ايګزېكټو سېكرټري ووسو٬په چين كښې د پاكستان سفير خليل هاشمي٬مشر خبريال حامد مير او د نجي ټي وي چينل اينكر شفا يوسفزئي خطاب وكړو۔خپلو وړومبو خبرو كښې د پاك چائنا انسټي ټيوټ(پي سي آئي)ايګزېكټو ډائرېكټر مصطفٰی حېدر سيد د سي پېك ميډيا فورم په كردار رڼا واچوله۔ده ووئيل دسي پېك د مرستې دائره كار د انفراسټركچر منصوبو نه تر اولسي روابطو رسېدلے۔ده ووئيل د چين او پاكستان وګړو دواړو هېوادونو ترمينځه ژوره دوستي قائم ده٬ده د چين صدر شي جن پنګ بيلټ اينډ روډ انيشي ايټو(بي آر آئي ) د هېوادونو تر مينځه د ګرين پرمختګ 100 ارب ډالره سرمايه كارۍ اعلان يو تاريخ ساز عمل وګرځولو او د كورونا وبا نه پس نړيوال نظام او ګرين پرمختګ دواړو كښې د چين په قيادت ئې رڼا واچوله ٬ ده په ګډون كوونكو زور راوړو چې هغوي د دې اقداماتو د لارې وړاندې كړو موقعو څخه ګټه پورته كړي۔په دې موقع د چائنا اكنامك نېټ صدر 8م چائنا پاكستان اكنامك كوريډور(سي پېك)مېډيا فورم په اړه د چين نائب خارجه وزير سن ويډ ونګ پیغام وړاندې كړو چې پكښې نائب وزير سن ويډ ونګ د فورم په كاميابۍ ګډون كوونكو له د زړه نه مباركي وركړې۔ده د دواړو اړيكو پائيدار نوعيت احاطه كولو سره په دې خبره زور راوړو چې پاكستان او چين سدا بهار شراكتدار دي او د سي پېك يوې لسيزې كامياب اختتام د دواړو هېوادونو ترمينځه د دوستۍ ثبوت دے ۔نائب وزير سن د درېم بليټ اينډ روډ فورم په مهال به ترلاسه مهم پېشرفت هم رڼا واچوله چرته چې دواړو هېوادونو د مفاهمت په بېلو يادښتونو د لاس ليك د لارې خپله مرسته مستحكمه كړی ده ۔د دې نه علاوه ده په سي پېك معروضي پورټنګ باوري كولو كښې د ميډيا مهم كردار او د هغوي په مهمو ذمه وارو هم زور راوړو۔د دفاع لپاره د سېنېټ قائمه كمېټۍ چيئرمېن سېنېټر مشاهد حسېن سيد په دې موقع د چين پاكستان اقتصادي راهداري (سي پېك) د 21مې صدۍ يو مهم پرمختيائي او سفارتي اقدام وګرځولو۔ده ووئيل چين په نړيواله كچه 3000 بيلټ اينډ روډ انيشي ايټو(بي آر آئي)پروژو كښې 1 ټريلين ډالر څخه زياته سرمايه كاري كړې او چين 40 ملين څخه زيات خلق د غربت څخه به ويستلو د هغوي په ژوند مثبت اثرات مرتب كړي ۔ ۔چين كښې د پاكستان سفير خليل هاشمي په خپل خطاب كښې ووئيل چين پاكستان اقتصادي راهداري(سي پیك)اعلٰی معيار پرمختګ لپاره د پاكستان د ثابت قدم عزم پخلے وكړو۔ده د چين سره د مرستې لا قوي كولو لپاره د پاكستان عزم څرګند كړو او د دواړو هېوادونو ترمينځه تل پاتې سفارتي او اقتصادي اړيكې ئې رامخې ته كړی۔د سي پیك ميډيا فورم لپاره د نيكو خواهشاتو څرګندونه كولو سره پاكستاني سفير هاشمي اولسي روابط ته پام لرنه كولو سره د بنيادي ډهانچو پروژو نه اخوا د جامع شراكت دارۍ ته د ودې وركولو په اهميت هم زور راوړو۔ د اكنامك ډيلي صدر او چيف ايډيټر ژينګ چنګ ډونګ د چين پاكستان اقتصادي راهدارۍ د لسمې سالګرې په اهميت رڼا واچوله٬د دواړو هېوادونو ترمينځه دوستي قوي كولو كښې د دې په كردار هم رڼا واچوله۔۔ژينګ د چين او پاكستان ترمينځه د ګټورو رشتو په اهميت هم زور راوړو۔ د دستورې په پائې كښې كښې د اے پي پي خبريال ضیاء الامین، د انټر نیوز پاکستان د چائنا ډیسك اېډيټر محمد ضمیر اسدي او د دي نیشن خبريال فواد یوسفزئۍ پشمول بېلا بېل خبريالانو له ګولډن سي پېك اېوارډ وركړے شول
