لاهور۔7 ستمبر(اے پی پی) د مذهبي چارو نګران وفاقي وزير انيق احمد وئيلي دي چې حكومت اولس ته ريليف وركولو لپاره هدفونه ټاكلي دي ٬ ډېر زر به اولس ته خوشخبرۍ ترلاسه شي٬ مايوسي كفر دې ٬ د ويرې هېڅ خبره نشته ٬ په مسئلو به كه پاك پروردګار ته منظور وي قابو ومومؤ۔ د دې خيالاتو څرګنونه ده د زيارت په ورځ په منصوره كښې د جماعت اسلامي امير سراج الحق سره د ملاقات په مهال او ميډيا سره خبرو كښې وكړه۔ نګران وفاقی وزیر باور وركړو چې اولس به ډېر زر د مايوسۍ دلدل څخه بهر شي۔ د پاك پروردګار په ضد مو بشپړه باور دے ٬ په نړيواله كچه د پاكستان امېج مخ په ښه كېدو دے۔ ده ووئيل نګران حكومت چې اولس ته ريليف وركولو له كوم هدفونه ټاكلي دي د هغې مېوې به ډېر زر رامخې ته كېدل پېل شي٬ د ډالر قيمت مخ په كمېدو دے٬ د برېښنا بيعې او نورو مسئلو كښې به هم اولس ته ډېر زر ريليف وركړؤ٬ ده ووئيل مونږ بايد د شكايت نه بلكې د شكر عادت خپل كړؤ۔ حكومت ددې هېواد بهترۍ له هڅې كوي د دې بايد ستائنه وكړې شي۔ د يوې پوښتنې په ځواب كښې ده ووئيل برآمدات زياتولو له اقدامات كولې شي۔ د تجارت وفاقي وزير ګوهر اعجاز د دې مېدان كارپوهه دے۔ هغه د برآمداتو تر 70 ملين ډالرو رسولو عزم لري۔ د يوې بلې پوښتنې په ځواب كښې ده ووئيل په راتلونكي كښې حاجيانو ته آسانۍ وركولو له عملي كار روان دے۔ ده ووئيل ائیر لائنز ته د ټكټ ادائيګي په ډالر كښې كولې شي ٬ په دې لړ كښې نجي ايئر لائنز سره خبره شوې چې هغوي به ټكټ كښې څومره ريليف وركوي۔ ده ووئيل څومره چې زه د مسلمانانو وزير يم دومره د غېر مسلمو هم يم۔ په دې موقعه د جماعت اسلامي امير سراج الحق ووئيل مونږ بلها وسائل لرؤ٬ اصل مسئله د كرپټ اشرافيه ده ٬ نګران حكومت سره د شوګر ٬ لېنډ او ډرګ مافيا په ضد د كارروائيو كولو موقعه ده۔ ده ووئيل وفاقي وزير ته ووئيل چې د آئين له مخې دې هېواد كښې ټاكنې وكړې شي۔ سپېځلې ټاكنې كولو له د الېكشن كمېشن او حكومت يو بل سره مرسته ضروري ده
