اسلام آباد 03 اګست (اے پي پي) د چين مېډيا پلاوي تېره ورځ د سي پیك منصوبو جاج اخستو په لړ كښې د مارګله رېلوے سټېشن اسلام آباد دوره وكړه۔ ۔ په دې موقعه پلاوي په ګرين لائن ټرين كښې د كارول كېدونكې عصري چينائي ټېكنالوجۍ او مهارت ستائنه وكړه۔ په ټرينونو كښې د چين لخوا د وركړې شوې عصري ټېكنالوجۍ په اړه پلاوي ته بريفنګ وركړے شو۔ د پاكستان رېلاے لخوا پلاوي ته په بريفنګ ګښې ووئيل شؤ چې په ټرين كښې اے سي٬ د بزنس كلاس دوه ډبې٬د پارلر كار يو كوچ ٬ دوه اے سي سټينډرډ او د اكانومي كلاس دوه ډبې شامل دي۔ بريفنګ كښې دا هم ووئيلې شؤ چې د معياري آسانو لرلو له كبله زياتره خلك د ګرين لائن ټرين د لارې د لاهور او كراچۍ ترمينځه سفر كولو ته ترجيح وركوي۔ ټرين د خپلو وختونو سخته پابندي كوي۔ د رېلوے چارواكو د اړخه ووئيل شؤ چې د رېلوے وفاقي وزير د پاكستان رېلوے ته د ګرين لائن ټرين د سفر وخت 23 ساعته څخه د كمولو هدايت كړی چې ورسره به په پاكستان رېلوے د مسافرو باور لا بحال شي۔د چين مېډيا پلاوي ته ووئيل شؤ چې په ګرين ټرين كښې د غوره سفري آسانيو باوري كولو پرېكړه هم شوې ده۔ په كومو كښې چې د اعلٰی معيار خوراك وركول او د ټكټ بيعه په مناسبه كچه ساتل شامل دي۔دې سره سره به د اے سي پارلر په هره چوكۍ جلا جلا اېل سي ډي لګولې شي دغسې چې مسافر د هېډ فون د لارې د خپلې خوښې وېډيوز او پروګرامونو څخه خوند پورته كړې شي۔ بريفنګ كښې ووئيل شو چې ټرين د لاهور او كراچۍ ترمينځه يوازې په خانيوال٬ بهاولپور او حېدر آباد ودرېږي۔دا ټرين په يو ساعت كښې د 160 كلوميټر رفتار سره د تللو صلاحيت لري۔ بيا هم د دې رفتار تر 90 كلوميټر ټاكلې شوې دې۔ پېنډۍ څخه لاهور ته رسېدو نه وروستو په دې كښې د 9 كوچز اضافه كولې شي٬د دې څخه وروستو دا ټرين په ساعت كښې د 140 كلوميټر په رفتار سره زغلي۔ پلاوي د ګرين لائن ټرين په كاركردګۍ او په دې كښې مسافرو ته په وركړی كېدونكو آسانيو د اطمينان څرګندونه وكړه۔د دې څخه وړاندې د پاكستان رېلوے د اړخه په مارګله رېلوے سټېشن اسلام آباد او راولپنډي رېلوے سټېشن د چين مېډيا پلاوي ته هركلے ووئېلې شو۔ د پاكستان رېلوے ډويژنل سپرنټنډنټ انعام الله پلاوي ته هركلے ووې او د پاكستان رېلوے د اړخه يې ورته يادګاري شيلډ وړاندې كړو۔ده د سي پیك منصوبې لاندې د پاكستان رېلوے د سباؤن منصوبو په اړه هم پلاوې خبر كړو۔
