اسلام آباد 02 اګست (اے پي پي)د قامي اسمبلۍ سپيكر راجه پروېز اشرف وئېلي دي چې د قامي سلامتيا چارو په اړه خبره دې ذمه وارۍ او احتياط سره وكړې شي٬ پاكستان مونږ لپاره تر ټولو مقدم دې۔د شورو په ورځ د قامي اسمبلۍ په غونډه كښې د شمالي وزيرستان قامي اسمبلۍ غړي علي وزير د اعتراض په نكته سپيكر ووئيل چې په هېواد كښې امن په ځايې كولو او د ترهه ګرۍ خاتمې لپاره امنيتي ځواكونه د خپلو ځانونو قربانۍ وركوي٬مونږ له د هغوي بشپړه ملاتړ پكار دې۔ ده ووئيل چې د قامي سلامتيا چارو په اړه دې خبره ذمه وارۍ او احتياط سره وكړې شي او په دې معاملاتو بايد سياسي پوائنټ سكورنګ ونكړے شي۔ سپيكر ووئيل چې تر ټولو زيات مقدم پاكستان دې٬دا ايوان د پاكستان په ضد د خبرې كولو فورم نه دې۔د دې څخه وړاندې علي وزير د اعتراض په نكته ووئيل چې موجوده حكومت مونږ ته د ستونزو حل كولو باور راكړی وو٬مونږ د كوم شرط نه بغېر د حكومت ملګرتيا كړې٬ماته په ايوان كښې د خبرې كولو موقع نه راكولې كېږي۔ده ووئيل چې كله په افغانستان كښې د طالبانو حكومت جوړ شو نو په دې ايوان كښې وئېلي شوي چې افغانانو د غلامۍ زنځيرونه مات كړل۔اوس د افغانستان څخه د ترهه ګرۍ خبرې كېږي۔ده ووئيل چې په باجوړ كښې د ځانمرګي بريد خبرې اترې د افغانستان سره تړلې كېږي٬په دې اړه د عملياتو په ځاې په افغانستان كښې برسراقتدار حكومت سره خبره وكړی شي
