اسلام آباد31 جولائي (اے پي پي)وزيراعظم محمد شهباز شريف وئېلي دي چې د جمعيت وركرز په كنونشن بريد د پاكستان په جمهوريت بريد دې٬د پېښې ذمه وار به ډېر زر په ګوته كولو سره انجام ته ورسولې شي۔د ګل په ورځ د وزيراعظم آفس مېډيا ونګ لخوا جاري شوي بيان له مخې وزيراعظم محمد شهباز شريف د جمعيت علماﺀ اسلام مشر مولانا فضل الرحمان كور ته لاړو او په باجوړ كښې د جمعيت علماﺀ اسلام د وركرز په كنونشن بريد د هغه سره غمرازي وكړه۔وزيراعظم ووئيل چې په دې غم جنه پیښه ټول قوم دړد مند دې٬د جمعيت د وركرز په كنونشن بريد د پاكستان په جمهوريت بريد دې۔ده دعا وكړه چې لوے څښتن دې شهيدانو له لوړې درجې او غم جنو كورنيو له زغم وركړي۔وزيراعظم ووئيل چې ما ژوبل شويو ته د ښه طبي آسانيو وركولو هدايات كړي دي٬د پیښې ذمه وار به ډېر زر په ګوته كولو سره خپل انجام ته رسولې شي۔په دې موقع وفاقي وزيران بلاول بهټو زرداري٬اسحاق ډار٬مولانا اسعد محمود٬خرم دستګير خان٬سردار اسرار ترين٬د قامي اسمبلۍ دوهم سپيكر زاهد اكرم دراني٬د سندھ وزيراعلٰی سيد مراد علي شاه٬سېنېټر مولانا عبدالغفور حېدري او د قامي اسمبلۍ غړي عبدالاكبر چترالي هم موجود وو
