اسلام آباد31 جولائي (اے پي پي)صدر مملكت ډاكټر عارف علوي د پاكستان او چين ترمينځه دوه اړخيزه اقتصادي مرسته لا قوي كولو په ضرورت زور راوړولو سره وئېلي دي چې د پاكستان د معيشت په بېلو څانګو كښې په خاص توګه خاص اقتصادي زونز كښې د چينائي سرمايه كارۍ زياتولو ضرورت دې٬پاكستان د خپلې كركيلې٬انفارمېشن ټېكنالوجۍ(آئي ټي)ټرانسپورټ او ټېكسټائل څانګې لا قوي كولو لپاره د چين تعاون او مرسته خوښي لري۔صدر مملكت د دې خيالاتو څرګندونه د چين صدر شي جن پنګ خاص استازي او د چين رياستي كونسل نائب وزيراعظم هي فينګ سره په خبرو كښې كړې۔د چين نائب وزيراعظم د خپل پلاوي غړو سره په ايوان صدر كښې صدر مملكت ډاكټر عارف علوي سره ملاقات كړې۔د پلاوي هركلې كولو سره صدر مملكت په دې خبره رڼا واچوله چې د پاكستان او چين آل ويدر سټرټيجك كوآپريټو پارټنرشپ لري او دواړه هېوادونه تل په سخت وخت كښې د يو بل مرسته كړې۔ده ووئيل چې د پاكستان او چين منفرد اړيكې لري او نړۍ له د دواړو هېوادونو د ملګرتيا نه زده كړه پكار ده۔صدر مملكت په سخت وخت كښې د پاكستان په مالي مرسته د چين حكومت مننه كولو نه علاوه د جمو كشمير په شخړه د چين اصولي دريځ د مننې څرګندونه كړې۔ده نائب وزيراعظم ته د هلال پاكستان د اعزاز په ترلاسه كېدو مباركي وركړې او پاك چين ملګرتيا ته د ودې وركولو او په سي پیك پروژو كاميابۍ سره عملدرآمد لپاره په څارنه د هغه كردار وستائېلو۔د صدر مملكت مننه كولو سره د چين نائب وزيراعظم په مارچ 2020 كښې د صدر ډاكټر عارف علوي د چين دورې ذكر كولو سره ووئيل چې د چين اولس به دا دوره ياد ساتي ځكه چې د پاكستان صدر د كورونا وبا خطرو باوجود په سخت وخت كښې د چين دوره كړی۔ده د خوشحالۍ سره د دې خبرې څرګندونه وكړه چې د سي پیك څخه د پاكستان سماجي٬اقتصادي او بنيادي ډهانچې منظرنامه كښې مهم بدلون راغلې دې او اوس دا د ټولې منطقې او د دې نه بهر هم د پاكستان اقتصادي٬تجارتي او روابط كارۍ حېثيت لا زيات كړي۔نائب وزيراعظم صدر مملكت ډاكټر عارف علوي ته په چين كښې د غربت خاتمې لپاره د چين حكومت اقداماتو نه خبر كړو۔نائب وزيراعظم د هغه د خذمات په اعتراف كښې د هلال پاكستان په وركولو د صدر مملكت ډاكټر عارف علوي مننه وكړه۔د دې نه علاوه ده صدر ملكت ډاكټر عارف علوي ته د چينائي وزيراعظم شي جن پنګ لخوا د نيكو خواهشاتو پېغام هم ورسولو
