اسلام آباد 30 دسمبر(اے پي پي) د كورنيو چارو وفاقې وزېر شېخ رشيد احمد وئيلي دي د كال 2021 پېل څخه به آن لائن ويزے جاري شي ٬ د شپاړسمې فرورۍ د نواز شريف پاسپورټ به كېنسل كوٶ، اقامے والا او مني لانډررز بې نقابه كېږي ځكه شور كوي چې مونږ څخه انتقام اخستلے كېږي٬ د خبرو اترو دروازې پرانستې پرتې دي٬ څوك چې خبرې كول غواړي راځي دې٬ اېف 13 كښې به د كم آمدن طبقو له د استوګنې سهولتونه وركولې شي، د سي ډي اے د کنټريکټ ملازمان به كنفرم كولې شي۔د شورو په ورځ د سي ډي اے په هېډكوراټرز كښې ميډيا سره په خبرو كښې شېخ رشيد ووئيل د پلازمينه د پخوانو سېكټرز بهترۍ سره سره به د كم آمدن او خواري كښې طبقې لپاره په اېف 13 سېكټر كښې د استوګنې سهولتونه او فلېټس وركولې شي، د مارچ دوهمې نيټې څخه به د دې منصوبې پرانسته كوٶ او د اېف سكس او اېف سېون د كچه آبادو مېشته وګړو لپاره به په آئي نائن او فراش ټاٶن كښې فلېټس او د استوګنې سهولتونه وركولې شي۔ده ووئېل د سي ډي اے ټول كنټريکټ ملازمانو په سمدستي توګه د مستقل كولو اعلان كوم، د اسلام آباد 240 پاركس به په دوو مياشتو كښې بحال كړے شي او دا به ښائسته او سنګارولے شي۔ده ووئېل داخله وزارت به د جنورۍ وړومبۍ نيټې څخه افغانستان او د چين پشمول بېلا بېلو هېوادونو لپاره آن لائن ويزه پېل كړي، په دې لړ كښې به زياتې ګيلې راتلې خو اوس به دغې ګيلې ختموو ، د 191 هېوادونو وګړو ته به آن لائن ويزه ترلاسه كېږي٬ ليډيز کلب او کلچرل کمپليکس به بحالولے شي٬ د سي ډي اے مزدور يونين سره به زر ملاقات كوم او د دوي مسئلې به اورم۔ ده ووئيل د آئي جے پي سړك كار په سمدستي توګه د پېل كولو پرېكړه شوې ، د سيونتھ ايونيو پشمول به په دې بېلا بېل انټرچينجز جوړېږي٬ د اسلام آباد اېکسپرېس وے كار به هم ګړندے كولے شي۔ ده ووئيل زه به د جمعې په ورځ د پېښور دورې په مهال په سياسي صورتحال تفصيلي خبرې كوم۔ د يوې پوښتنې په ځواب ده ووئيل ما چې كومه ادعا كړې د لوي څښتن په شكر ھغه ترسره شوې ، پاکستان پيپلز پارټۍ د سېنېټ په ټاكنو كښې برخه اخلي او ضمني ټاكنو كښې به هم۔ ده ووئيل اقامے والا او مني لانډررز بې نقابه كېږي ٬ د اقامے اخستو مطلب دا دے چې دوي پخپله خاوره باور نه لري۔ ده ووئيل د شپاړسمې فرورۍ د نواز شريف پاسپورټ به كېنسل كوٶ۔ ده ووئيل ټول ډاكوان راغونډ شوي٬ چې دوي بې نقابه كېږي نو شور كوي چې مونږ څخه انتقام اخستلے كېږي۔ د يوې پوښتنې په ځواب ده ووئيل د ترهګرۍ خطر پرله پسې موجود دے، په اسلام آباد به د موټر سائيکل رائيډرز ايګل سكواډ معرفي كوٶ٬ اي سي سي به ئې ډېر زر منظوري وركړې۔ مخالفې ډلې سره د مذاكراتو په اړه د يوې پوښتنې په ځواب ده ووئيل مذاكرات لپاره زمونږ دروازې پرانستې دي، څوك چې مذاكرات كول غواړي راځي دي۔ ده ووئيل په وفاقي پايه تخت كښې به خبريالانو لپاره د استوګنې منصوبه پېل كولې شي، كومو خبريالانو ته چې وړاندې پلاټس وركړے شوي ھغوي ته به نه وركړے كېږي ، په اسلام آباد كښې د جرمونو په صورتحال زما نظر دے، پوليس ناكې ختمې كړې شوي ځكه چې په دې به نيم نيم ساعت خلق خوارېدل۔
