اسلام آباد 26 ستمبر (اے پي پي) د وزيراعظم د اطلاعات او خپرونو لپاره خاص مرستيالې ډاکټر فردوس عاشق اعوان وئيلي دي وزيراعظم عمران خان د زلزله ځپليو د ممكنه مرستې او بحالۍ لپاره عزم لري٬ د وزيراعظم په امر د ځپلو كورنو ته تللې يم او د ھغوي د ګرانو په غم مې ورسره غمرازي او فاتحه خواني كړې، خيمې او د اوبو پشمول نور د ضرورت څيزونه په اولس وېشلې شوې ٬ د ازمېښت په دې ګهړۍ كښې ځپليو سره ولاړ يو ۔ د زيارت په ورځ ډاکټر فردوس عاشق اعوان خپل ټويټ كښې ووئيل د رېسكيو او ريليف نه پس به د بحالۍ عمل پېل كېږي او په دې لړ كښې د پاكستان پوځ ٬ اېن ډي اېم اے ٬ د پنجاب حكومت او نورې اړوندې ادارې د آزاد كشمير حكومت سره اوږه په اوږه د بحالۍ كارونو كښې شپه او ورځ هلې ځلې كوي٬ باور دركوٶ چې د ځپليو تر بحالۍ به حكومت او د ادارې په قلاره نه كېښني۔ دې ووئيل د زلزله ځپليو د بحالۍ او د زيان ازالې لپاره به هر ډول ممكنه معاونت كوٶ٬ په داسې وضعه كښې د يټولو نه لوے طاقت د قام يوالې ٬ ايثار او د احساس جذبه وي۔ دې ووئيل د ډويژنل هيډکواټر ټيچنګ روغتون انتظاميه په غوښتنه پورټيبل اېکس ريز مشينز او داروګانو به نن لېږلې شي۔(ګ ل
