اسلام آباد – 27 – جولاءِ (اي پي پي) وزيراعظم محمد شهباز شريف گڏيل عرب امارات جي صدر شيخ محمد بن زايد آل نهيان جي ڀاءُ شيخ سعيد بن زايد آل نهيان جي لاڏاڻي تي گهري ڏک ۽ افسوس جو اظهار ڪيو. وزيراعظم آفيس جي ميڊيا ونگ پاران جاري بيان موجب وزيراعظم چيو ته سڄي پاڪستاني قوم ڀائر ملڪ گڏيل عرب امارات، شاهي خاندان ۽ يو اي اي جي عوام جي ڏک ۾ برابر جي شريڪ آهي. وزيراعظم دعا ڪئي ته الله تعاليٰ مرحوم جا درجا بلند ڪري ۽ گهرڀاتين کي صبر عطا فرمائي.
