کراچی۔28اگست(اے پی پی):صدر مملکت ڈاکٹر عارف علوی ملک دے بینکاری اداراں کوں آکھیے جو او تریمتیں دی مالی شراکت و دھاوݨ اتے بینکنگ سیکٹر اچ صنفی مساوات سانڳے اقدامات کرن، تریمتیں اتے خصوصی افراد کں سوکھے اتے قابل رسائی مالیاتی خدمات سودھا روزگار دے مواقع اتے فنانسنگ سہولتاں ݙیوݨ کیتے ٌدوران ملازمت تربیت ݙیوݨ تے وی توجہ ݙتی ونڄے۔ اے ڳالھ انہاں گورنر ہائوس سندھ اچ مختلف بینکاں دے نمائنداں نال الیندے آکھی جیندے اچ تریمتیں اتے خصوصی افراد دی مالیاتی شمولیت سانڳے اڳونہی، روزگار اتے مالیاتی مواقع کیتے اقدامات دا جائزہ ڳھدا ڳیا۔ اجلاس اچ سٹیٹ بین?? آف پاک??تان دے سینئر حکام اتے مختلف کمرشل بینکاں دے چیف ایگزیکٹو آفیسرز وی شرکت کیتی۔ صدر آکھیا جو تریمتیں کوں اقتصادی سرگرمیاں اچ رلاوݨ، تریمتیں کھاتہ داراں اتے بینکنگ سیکٹر دی ملازمتاں اچ رلت نال ہی ملکی ترقی اتے خوشحالی کیتے ودھ حصہ ونݙایا ونڄ سڳدے، صنفی مساوات کوں ودھاوݨ، معاشی سرگرمیاں اچ تریمتیں اتے معذور افراد دی شمولیت کیتے ودھ اقدامات کرݨے ہوسن۔
