اسلام آباد۔1مئی (اے پی پی) صدر مملكت ډاكټر عارف علوي د بېلو مكاتب فكر 14 علماﺀ كرامو سره ټېلېفوني رابطه وكړه او هغوي ته ئې دروژې مباركه مياشت كښې د احتياطي تدبيرونو عملي كولو له د كردار ترسره كولو خواست وكړو۔ د خالي په ورځ د ايوان صدر ميډيا ونګ اعلاميې له مخې صدر ډاكټر عارف علوي د كورونا مخنيوي له په احتياطي تدبيرونو د عمل درآمد په لړ كښې د بېلو مكاتب فكر علماﺀ كرامو سره ټېلېفوني تماس ونيولو۔ په دې مهال صدر هغوي ته خواست وكړو چې هغوي دې د روژې مباركه مياشت كښې د احتياطي تدبيرونو عملي كولو له خپل كردار ترسره كړي۔ صدر مملکت ووئيل نبي علېه السلام چې د وبا نه بچ كېدو له كوم هدايات وركړي دې په هغو بايد عمل وكړے شي۔ د ایوان صدر اعلامیې له مخې صدر مملكت ډاكټر عارف علوي مفتی محمد تقی عثمانی او پیر محمد امین الحسنات سره ټېلېفوني تماس ونيولو۔ مفتی تقی عثمانی د كورونا وائرس مخنيوي له د اولس مشر د كردار ستائنه وكړه۔ دغه مهال صدر مملكت پير نقیب الرحمن او راجه ناصر عباس سره هم ټېلېفوني خبرې وكړې۔ پیر محمد امین الحسنات په مهمو چارو علماﺀ كرامو سره په مشاورت كولو د صدر مننه وكړه۔ دغسې صدر مملکت مولانا محمد حنیف جالندھری او مولانا راغب حسېن نعیمی سره هم ټېلېفوني تماس ونيولو
