فیصل آباد۔2مئی (اے پی پی) د اطلاعاتو او خپرونو وزيرمملكت مياں فرخ حبيب د اتوار په ورځ فېصل آباد كښې د رمضان بازار دوره وكړه او دغلته ئې د ضرورت څيزونو شتون ٬ معيار او بيعې جاج واخست۔ هغه اړوندو چارواكو ته هدايت وكړو چې سهار نه تر ماښام دې په ټولو سټالونو صارفين ته معياري څيزونه وركولو سره سره نرخنامې هم په مناسب ځايونو كښې لګولې شوې وساتلې شي۔ په دې موقع د صارفينو د ضرورت حوالې سره هغه ووئيل د چينو مقدار د يو كلو نه دوه كلو كولې او د غوړو مقدار هم زياتولې شي۔ وزیرمملکت په دې مهال د بېل برانډز مشروبات د ختمېدو او جاري كېدو تاريخونو هم جاج واخست۔ په دې موقعه هغه د رمضان بازارونو كاميابۍ سره چلولو له د ضلعي انتظاميې د تګلارې ستائنه وكړه۔
