اسلام آباد – 31 – جولاءِ (اي پي پي) وزيراعظم محمد شهباز شريف چين جي نائب وزيراعظم هي لي فينگ ۽ سندس وفد جي مان ۾ مانجهاندو ڏنو. وزيراعظم هائوس ۾ پروقار مانجهاندي ۾ وزيراعظم محمد شهباز شريف، چين جي نائب وزيراعظم هي لي فينگ، وفاقي وزيرن ۽ چيني وفد جي ميمبرن کانسواءِ اعليٰ عملدارن پڻ شرڪت ڪئي. ان موقعي تي روايتي پاڪستاني ۽ چيني کاڌن سان مهمانن جي تواضع ڪئي وئي. مانجهاندي ۾ شريڪ پاڪستاني ۽ چيني عملدارن پاڪ چين دوستي جي ترقي ۽ استحڪام جي حوالي سان خيالن جي ڏي وٺ پڻ ڪئي.
