لاهور – 16 جولاءِ(اي پي پي) وزيراعظم محمد شهباز شريف ديامر، شاهراه قراقرم تي ٿلچي وٽ سياحن جي بس حادثي ۽ قيمتي جانين جي نقصان تي ڏک ۽ افسوس جو اظهار ڪيو آهي. وزيراعظم آفيس جي ميڊياونگ مان جاري ڪيل بيان مطابق وزيراعظم متاثر خاندانن سان همدردي جو اظهار ۽ تعزيت ڪندي گلگت بلتستان اختيارين کي فوري امدادي ڪارروائين جي هدايت ڪئي. وزيراعظم لاڳاپيل وفاقي کاتن کي امدادي ڪمن ۾ معاونت ۽ زخمين کي بهترين طبي سهولتن جي فراهمي جي به هدايت ڪئي. وزيراعظم حادثي جو سبب ڄاڻڻ لاءِ انڪوائري ڪرڻ جي هدايت ڪئي. وزيراعظم فوتين لاءِ مغفرت ۽ پوئينرن لاءِ صبر جي دعا ڪئي. وزيراعظم زخمين کي جلد صحتيابي جي به دعا ڪئي.
