اسلام آباد – 09 – جون (اي پي پي) ايندڙ مالي سال 24 – 2023ع جي بجيٽ ۾ سرڪاري شعبي جي ترقياتي پروگرام (پي ايس ڊي پي) ۾ پيٽروليم ڊويزن جي 4 نئين اسڪيمن تي 65 ڪروڙ رپيا خرچ ڪيا ويندا. جاري پي ايس ڊي پي 24 – 2023ع موجب بجيٽ ۾ گيس فيلڊ جي 5 ڪلوميٽر جي علائقي ۾ موجود ڳوٺن کي گئس جي فراهمي لاءِ 10 ڪروڙ ۽ جيو سائنس ايڊوانس ريسرچ ليبارٽري جي اپ گريڊيشن جي لاءِ به 10 ڪروڙ رکيا ويا آهن، ان کانسواءِ بدين ۾ زمين هيٺ گئس اسٽوريج جي منصوبي تي 15 ڪروڙ رپيا خرچ ڪيا ويندا.
