اسلام آباد– 01 – فيبروري (اي پي پي) وزيراعظم محمد شهباز شريف وفاقي سيڪريٽريٽ جي آفيسرن جي پگهارن ۾ موجود غيرمنصفاڻو فرق ختم ڪرڻ جو فيصلو ڪيو آهي. وزيراعظم آفيس جي ميڊيا ونگ پاران جاري بيان موجب گريڊ 17 کان 22 جي وفاقي سيڪريٽريٽ جا اهي آفيسر جيڪي گذريل فيصلي سان ايگزيڪيوٽو الائونس کان محروم رهيا، انهن کي حڪومت 2017ع جي بنيادي پگهار تي 150 سيڪڙو ايگزيڪيوٽو الائونس ڏيڻ جو فيصلو ڪيو آهي. فيصلو پهرين جنوري 2023ع کان لاڳو ٿيندو، اهو فيصلو وزيراعظم جي هدايت تي ناڻي واري وفاقي وزير سان مشاورت کانپوءِ ڪيو ويو آهي.
