اسلام آباد 05 جنوري(اے پي پي) نګران وزيراعظم انوار الحق كاكړ وئېلي دي د جنورۍ په پنځمه نېټه د كشميريانو د خپلواكۍ د ناقابل تنسيخ حق د پخلي ورځ ده، د اووه نيمو لسيزو تېرېدو باوجود د هند په غېر قانوني تسلط كښې د جمو و كشمير مظلوم اولس دا بنيادي حق استعمال نه كړے شو، چې له مخې ئې د كشمير شخړه د استصواب رائے د لارې حل كېدل وو٬ پاكستان به د مېړنو كشميريانو د ملګرو ملتونو د سلامتي كونسل د اړوندو قراردادونو له مخې د حق خود اراديت د ناقابل تنسيخ حق پشمول او دوي د حقونو سپېځلو هلو ځلو له خپل سياسي٬ سفارتي او اخلاقي ملاتړ روان ساتي۔ د وزيراعظم آفس ميډيا ونګ لخوا د جاري بيان له مخې د حق خود اراديت ورځې په موقع خپل پېغام كښې وزيراعظم انوار الحق کاکړ ووئيل نن په ګرده نړۍ كښې كشميريان هند او پاكستان لپاره د ملګرو ملتونو د كمېشن (يو اېن سي آئي پي) لخوا د منظور كړي قرارداد 75مه سالګره لمانځي٬ چې له مخې به ئې د جمو و كشمير مسئلې پرېكړه په جمهوري ډول د حق خود اراديت او بې پرې د استصواب رائے د لارې كولې شي٬ ده ووئېل هند په جمو و كشمير كښې په اولس د ظلم او جبر سلسله روانه ساتلې ٬ د پنځم اګست كال 2019 راهسې هند په يو نوي سازشي عمل كښې بوخت دے چې مقصد ئې د هند په غېر قانوني تسلط لاندې جمو و كشمير كښې د آبادۍ تناسب او سياسي منظرنامه بدلولو سره كشميريان پخپله خاوره په بې اختياره ټولنه بدلول دي٬ دهه ووئېل د جمو و کشمير حېثيت پحقله د هندي سپريم كورټ پرېكړه د كشميريانو د خپلواكۍ حق څخه سرغړونې پلو يو ګام دے٬ دا ډول قانون سازي او انجينئرډ عدالتي پرېكړو د لارې د كشميريانو حقيقي هيلې نشي ختمېدې۔ ده ووئيل د ملګرو ملتونو عمومي اسمبلي هر كال “د اولس د حق خوداراديت په عالمګير احساس” يو قرارداد منظوري چې مقصد ېې په جبري قبضه كښې د اولس حالت زار او حقونو پلو د نړۍ پام راګرځول دي٬ نړيواله ورورولۍ په خاص توګه ملګرو ملتونو د دې خبرې باوري كولو ذمه واري اغستې چې د هند په غېر قانوني تسلط لاندې جمو و كشمير اولس د حق خود اراديت ناقابل تنسيخ حق استعمال كړي۔ وزيراعظم ووئيل پاكستان به د مېړنو كشميريانو د ملګرو ملتونو د سلامتي كونسل د اړوندو قراردادونو له مخې د حق خود اراديت د ناقابل تنسيخ حق له او د حقونو سپېځلو هلو ځلو له خپل سياسي٬ سفارتي او اخلاقي ملاتړ روان ساتي۔
